حبيبتى
حتصدقينى لو قلتلك
ان قيس جانى ف منامى
يشتكينى
وان روميو بيترجانى
لجل اقلل من حنينى
وان جوليت وليلى
دابو دوب فى تكوينى
وانهم بيحسدوكى عليا
وبيعشقوا الشوق
فى عينى
وانهم بيستغربو
ازاى قدرتى تحتلينى
ازاى قدرتى تغيرينى
ازاى قدرتى تخلينى
حتى وانا معاكى
بتوحشينى
حبيبتى
حتصدقينى لو قلتلك
ان ليلى سابت قيس
قال ايه
مش بيحبها حتى ربع
حبى ليكى
قال ايه
مش بيقولها نص الكلام
اللى قلته فيكى
عارفة ليه؟
علشان السحر اللى فى عينيها
مش زى السحر اللى فى عينيكى
علشان القمر اللى فى لياليها
مش هو القمر اللى فى لياليكى
علشان فتنة قيس بيها
مش زى فتنة قلبى بيكى
علشان حاجات كتيرة اوى
مش موجودة
الا فيكى
ديوان(شقاوة عمرى)
ليست هناك تعليقات:
إرسال تعليق