مصر مطلعتش امى
طلعت بتشتغلنى
لا انا ابنها وضناها
ولا حتى بالتبنى
بتفرق دايما مابينى
وبين اخويا الكبير
بتطلع ننى عينى
لجل مايلبس حرير
مش لاقى فى بلدى شقة
بتقول لى قال ظروف
افطر واتغدى دقة
واللحمة للضيوف
واخويا ابن الذين
واخد فيلا ف مارينا
وبسين حلو بجنينة
وانا ساكت غصب عنى
ماهو انا مش ضناها
ولا حتى بالتبنى
مش لاقى وظيفة ليا
اصرف منها واعيش
ومعنديش محسوبية
بالتالى دخلت جيش
واخويا حظه نار
بيقبض بالدولار
امى تدي له الكوسة
وتصدرلى الخيار
واذا كان اصلا عاجبنى
ماهو انا مش ضناها
ولا حتى بالتبنى
مع ان وقت الجد
مش حتلاقى زى حد
افديها بجتتى
وكبدى وكليتى
وفداها 1000 منى
اكمنى بحبها
وبدوب فى حبها
مع انها مطلعتش امى
طلعت بتشتغلنى
ليست هناك تعليقات:
إرسال تعليق