طفوا الفوانيس
لموا الكراريس
ولاعاد فيه عروسة
ولاعاد فيه عريس
الاقصى فى غمة
حيهدوه الرمة
ملعونة دى امة
ف كل النواميس
فى عددنا بنكتر
100 مليون واكتر
لكن مابنقدر
غير عالتهييس
وفلوسنا كتير
فى الهوا بتطير
لاميركى حقير
ويهودى خسيس
شاطرين نتسلح
على بعض بنفلح
ولغيرنا نشلح
واديها تفنيس
راحت حطين
وصلاح الدين
ولاعادش فى دين
عند الجواميس
قمة ورا قمة
لاعزيمة ولاهمة
وولاد الهرمة
شبعونا تجريس
معلش يا اقصى
اصل احنا بننسى
ونهاية القصة
حتروح فطيس
ليست هناك تعليقات:
إرسال تعليق